А.Пушкин атындағы №41 көпсалалы гимназияның жанынан ашылған "Жұлдыз" мектеп лагері өзінің қызықты, шаттыққа толы жазғы демалыс бағдарламасын ұсынады.

«Демаламыз, күлеміз. 

 Көңілді жазды сүйеміз». 

 Биылғы жыл балалар үшін ерекше жыл болмақ. Өйткені, ҚР Президенті Қасым-Жомарт Тоқаев 2022 жылды «Балалар жылы» деп жариялады. Осы ретте Мемлекет басшысы балаларға ерекше көңіл бөлу керектігін жеткізді. Балаларға көтеріңкі көңіл күй сыйлау және сапалы демалыс ұйымдастыру мақсатында А.Пушкин атындағы №41 көпсалалы гимназияның жанынан ашылған "Жұлдыз" мектеп лагері өзінің қызықты, шаттыққа толы жазғы демалыс бағдарламасын ұсынады. "Жұлдыз" мектеп лагері 1 маусым мен 23 маусым аралығында жұмыс істейді. Биыл жазғы демалысты мектеп жанындағы лагерде өткізгісі келгендер саны 650 оқушыны қамтыды. Осы уақыт аралығында балаларды қызықты ойын-сауық, кино, теарт, музейге саяхат және көптеген танымдық іс-шаралар күтуде. Сонымен қатар, лагерьде үш тілді меңгеруге,  спорттық және шығармашылыққа бағытталған үйірмелер жұмыс жасайды. 

 Бүгін, 1 маусым - Балаларды қорғау күні "Жұлдызды қалашықтың шытырман оқиғасы" атты І маусымның ашылу салтанаты өтті. Сонымен қатар, "Жұлдыз бала" шығармашылық пен шеберлік шеруі өтті. Онда балалар "Әлем - балалар көзімен" тақырыбында асфальтта сурет салып жарысты. "Балаға сыйлық" ойын акциясы ұйымдастырылды.Мұнда балалар ата-аналарымыздың ұмытылған ойындарын еске алып, жаңғыртты. Балаларға бақытты балалық шақ сыйлайық!

ҚР Білім және ғылым министрлігі

Тараз қаласы әкімдігінің білім бөлімі

2022 жыл Балалар жылы