02.09.2019ж күні А.Пушкин атындағы 41 көпсалалы гимназияcs

02.09.2019ж күні А.Пушкин атындағы 41 көпсалалы гимназияның базасында өскелең ұрпаққа адалдық пен парасаттылық құндылықтарын, рухани адамгершілік және азаматтық- патриоттық мінез-құлыққа тәрбиелеу мақсатында Тараз қаласы әкімінің орынбасары Олжабаев Кенжебек Мамашбайұлы және қалалық білім бөлімінің әдіскері – Шеримова Гаухар Жылысбековнаның қатысуымен жоғары сынып оқушылары арасында Жалпыреспубликалық бірыңғай «Адалдық сағаты» лекция форматында өткізілді. Іс-шара барысында танымдық видеолар көрсетіліп, адалдық, ізгілік, сенімділік, парасаттылық, әділдік құндылықтары туралы рухани әңгіме өрбіді.
Дәріс сабақ диалог ретінде өтіп, балалар Адалдық, Парасаттылық, Әділдік және Сенім деген ұғымдарға қатысты өз ойларын ортаға салды, 40 минутқа созылған сабақтан балалар үлкен әсер алғандарын айтып, өз ойларымен бөлісті. Құрметті қонағымыз Олжабаев Кенжебек Мамашбайұлы гимназия ұжымына сәттілік тілеп, жастарды,оқушыларды парасатты,адал,әділ,сенімді болуға шақырды.