10-сынып оқушыларымен тарих пәнінің мұғалімі Сариева А.Б. лудомания тақырыбында викторина өткізді. Іс-шара барысында оқушыларға құмар ойындардың зияны, салауатты өмір салтының маңыздылығы және бос уақытты тиімді пайдалану жолдары туралы мәлімет беріліп, топтық талқылау жүргізілді.

Жасөспірімдер әлеміндегі қауіпсіздік мәселелері бойынша оқушылар арасында пікірталас (дебат) ұйымдастырылды. Қатысушылар балалардың құқықтары мен қауіпсіздігін қамтамасыз ету тақырыбында өз ойларын білдірді. Мектеп психологы, жергілікті полиция және «Балаларды қорғау» қоғамдық ұйымының өкілдері қатысты.